Астанада аялдамаға зақым келтірген ер адам жазалануы мүмкін

Мас күйде аялдамаға зақым келтірген астаналық әкімшілік жауапкершілікке тартылды, - деп хабарлайды Polisia.kz.

Полицияға белгісіз біреу мас күйде аялдама павильонының әйнегін бүлдіріп алғаны туралы хабарлама келіп түскен. Осы дерекке қатысты қаланың 21 жастағы тұрғыны анықталды.

"Құқық бұзушыға қатысты ҚР ӘҚБтК-нің 440-бабы 1-бөлігімен 5 АЕК мөлшерінде айыппұл салу түріндегі әкімшілік жаза қолдану, сондай-ақ 147-1 бабының 1-бөлігі бойынша іс қозғалды. Ер адамға айыппұл салынады немесе 15 тәулікке әкімшілік қамауға алынуы мүмкін", - делінген хабарламада.

Ол уақытша ұстау бөлмесіне орналастырылды. Жинақталған материал әкімшілік құқық бұзушылық істері жөніндегі мамандандырылған ауданаралық сотына шешім қабылдау үшін жолданды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!