Астанада бастауыш сынып оқушылары қашықтан оқуға көшті

Астанада 21 желтоқсанда қарлы боранға байланысты бастауыш сынып оқушылары қашықтан оқуға көшірілді, - деп хабарлайды Tengrinews.kz тілшісі қаланың білім басқармасының баспасөз қызметіне сілтеме жасап.

"Ауа райының нашарлауына байланысты 2023 жылдың 21 желтоқсанында екінші ауысымның 0-4 сынып оқушылары қашықтан оқу форматына көшеді", - делінген хабарламада.

Қазгидромет мәліметінше, 21 желтоқсанда Астанада дауылды ескерту жарияланып, төмен деңгейде қарлы боран мен көктайғақ күтіледі. Оңтүстік-батыстан соғатын желдің екпіні секундына 15-20 метр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!