Астанада даңғылдардың біріндегі аялдамаға барар жол уақытша жабылды

Астанада Қабанбай батыр даңғылындағы аялдама бекетіне жол жөндеу жұмыстарына байланысты уақытша жабылды. Бұл туралы City Transportation Systems мәлімдеді, - деп хабарлайды Tengrinews.kz тілшісі.

Автобустар бұл аялдамада тоқтамайды.

"Жөндеу жұмыстарына байланысты Қабанбай батыр даңғылындағы "Салтанат Сарайы" аялдама бекетіне "Қараөткел" көпірі бағытындағы жол жабылды. № 18, 28, 32, 37, 44, 45, 52, 70 маршруттары бойынша осы аялдамада жолаушыларды отырғызу және түсіру уақытша жүзеге асырылмайды", - делінген компания хабарламасында.

Компания қолайсыздық үшін кешірім сұрады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!