Астанада екінші ауысымдағы оқушылар қалай оқиды?

Астанада қатты аяз басылмай тұр. Бүгін екінші ауысымдағы 0-9 сынып оқушылары үшін қашықтан оқыту ұзартылды, - деп хабарлайды Tengrinews.kz тілшісі.

"2024 жылғы 24 қаңтарда ауа райының нашарлауына байланысты екінші ауысымдағы 0-9 сынып оқушылары қашықтан оқу форматына ауысады", – деп мәлімдеді білім басқармасы.

Еске сала кетейік, алдыңғы екі күнде қашықтан оқуға тек мектеп оқушыларын ғана емес, колледждердің 1-2 курс студенттерін де ауыстырған болатын.

Қазгидромет мәліметтері бойынша, бүгін күндіз ауа температурасы 21-23 градус аяз деңгейінде сақталады, ал 25 қаңтарға қараған түні 25 градусқа дейін төмендейді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!