Астанада Қабанбай батыр даңғылындағы учаске уақытша жабылды

Астанада Қабанбай батыр даңғылындағы учаске жөндеу жұмысына байланысты жабылды, - деп хабарлайды Tengrinews.kz тілшісі әкімдік сайтына сілтеме жасап.

"Орташа жөндеу жол қозғалысы қауіпсіздігін қамтамасыз ету мақсатында қаланың ПД әкімшілік полиция басқармасының келісімі бойынша жүзеге асырылады. Қабанбай батыр даңғылы бойынша Қорғалжын тасжолынан Сарайшық көшесіне дейін жұмыс жүргізіліп жатыр. Осыған байланысты биыл 31 мамырдан 4 маусымға дейін жоғарыда аталған учаскеде автокөлік құралдары үшін қозғалыс толығымен жабылады", - делінген хабарламада.

Елорда тұрғындары мен қонақтары жол-құрылысының жүргізілуіне түсіністікпен қарауды және қала жолдарындағы кептеліс жағдайларын болдырмау мақсатында қозғалыс бағытын алдын ала жоспарлауы қажет.

Сілтемесіз жаңалық оқисыз ба? Онда Telegram желісінде парақшамызға тіркеліңіз!