Астанада Қабанбай батыр даңғылының бір бөлігі жабылады

Астанадағы Қабанбай батыр даңғылының бір бөлігі жөндеу жұмыстарына жартылай жабылады. Бұл туралы қала әкімдігі хабарлады, - деп хабарлайды Tengrinews.kz тілшісі.

Қабанбай батыр даңғылының Сығанақ көшесінен Керей, Жәнібек хандар көшесіне дейінгі бөлігінде орташа жөндеу жұмыстары жоспарланған.

"29 мамыр мен 3 маусым аралығында учаске жартылай жабылады. Бұл ретте бір жақтан екі бағытқа да қозғалыс қамтамасыз етіледі", - делінген хабарламада.

Елорда тұрғындары мен қонақтарынан өз бағытын алдын ала жоспарлау сұралады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!