+7 (777) 001 44 99
Қазақша
Русский
English
28 қыркүйек 2024 | 12:31
Астанада Қызылорда облысы тауар өндірушілерінің жәрмеңкесі өтіп жатыр
Астана қаласында Қызылорда облысының тауар өндірушілерінің қатысуымен ауыл шаруашылығы өнімдерінің жәрмеңкесі өтуде. Жәрмеңкеде 70 жүккөлікке тиелген 80-ге жуық Сыр дихандары мен тауарөндірушілері құны 270 млн. теңгені құрайтын 600 тоннадан астам өнімдер елордалық тұрғындарға ұсынылуда.
ПОДЕЛИТЬСЯ
Астана қаласында Қызылорда облысының тауар өндірушілерінің қатысуымен ауыл шаруашылығы өнімдерінің жәрмеңкесі өтуде. Жәрмеңкеде 70 жүккөлікке тиелген 80-ге жуық Сыр дихандары мен тауарөндірушілері құны 270 млн. теңгені құрайтын 600 тоннадан астам өнімдер елордалық тұрғындарға ұсынылуда.
Атап айтқанда, жәрмеңкеге 300 тоннадан астам күріш, 6 тонна ет өнімдері, 30 тоннадай балық өнімдері, 80 тоннадан астам көкөніс пен жеміс-жидектер, 180 тонна бақша өнімдері, 3 тонна ас тұзы, 15 тоннаға жуық сүт және кондитер өнімдері жеткізілді.
Жәрмеңке аясында елордалықтарға ерекше көңіл-күй сыйлау үшін Сыр Елінің өнерпаздарының қатысуымен концерттік бағдарлама қойылады.
Аймақтың аграрлық саласында бәсекеге қабілетті өнім өндіру арқылы азық-түлік қауіпсіздігін қамтамасыз ету мәселесі жолға қойылған. Мемлекеттік қолдаудың арқасында аймақтың ауыл шаруашылығы саласы қарқынды дамып келеді.
Ағымдағы жылдың 8 айында ауыл шаруашылығында 58,5 млрд. теңгенің өнімі өндіріліп, өсім көрсеткіші 2,1%-ға артты.
Жалпы биылғы жылы 190 мың гектарға жуық жерге ауыл шаруашылығы дақылдары орналастырылса, негізгі дақыл күрiштің көлемі 85,6 мың гектарды құрайды.
Анықтамалық: дәнді дақылдар – 96,8 мың гектарды, майлы дақылдар – 4,8 мың гектарды, мал азықтық дақылдар – 70,2 мың гектарды, картоп, көкөніс, бақша – 17,6 мың гектар.
Егісті әртараптандыру бағытында 2,6 мың гектар жерге ауыл шаруашылығы дақылдары егілсе, су үнемдеу технологиясын қолдану арқылы 4,4 мың гектар жерге ауыл шаруашылығы дақылдары орналастырылды.
Мемлекет тарапынан көрсетілген қолдаудың арқасында диханшы қауымға су қажетті деңгейде жеткізілді. Шаруашылық құрылымдары егілген ауыл шаруашылығы дақылдарына күтіп-баптау жұмыстарын агротехникалық талаптарға сай жүргізді.
Егін жинау жұмыстарына қажетті ауыл шаруашылығы техникалармен, жанар-жағармаймен, минералды тыңайтқыштармен толық қамтамасыз етілген.
Қазіргі таңда облыста егілген егін жинау жұмыстары қарқынды жүргізілуде.
Бүгінде егілген 85,6 мың гектар күріштің 50,3 мың гектары орылып, 42,7 мың гектары бастырылды. Тиісінше, егілген әр гектардан орташа есеппен 52,1 центнерден өнім алынуда.
Мал шаруашылығын дамыту бойынша жүйелі жұмыстар жолға қойылып, нәтижесінде өткен жылмен салыстырғанда мүйізді ірі қара мал басы-36,6%-ға, қой мен ешкі -22,3%-ға, жылқы -0,1%-ға, түйе-4,3%-ға, құс 7,7%-ға көбейді.
Сондай-ақ, өңірдің экспорттық әлеуеті де артып келеді. Қазіргі таңда Сыр елінің ауыл шаруашылығы өнімдері әлемнің 16 мемлекетіне экспортталуда.
Экспортталған өнімнің басым бөлігі күріш өнімі Ресей, Беларусь, Әзірбайжан, Тәжікстан, Украина, Моңғолия, Өзбекстан және Ирак мемлекеттеріне жөнелтілуде.
Сыр елінің өнімдері ұсынылатын жәрмеңке ертең де жалғасады.
Қызылорда облысы әкімдігі ұсынған
Показать комментарии
Читайте также
