21 тамыз 2023 | 15:45

Астанада LRT құрылысына байланысты көше учаскелері жабылады

Дина Шарипханова Корреспондент

Фото ©️ Tengrinews.kz / Тұрар Қазанғапов

LRT желісінің жұмысына байланысты Сауран мен Ақмешіт көшелерінің қиылысы жабылады, - деп хабарлайды Tengrinews.kz тілшісі Астана әкімдігі мәліметіне сілтеме жасап.

LRT желісінің жұмысына байланысты Сауран мен Ақмешіт көшелерінің қиылысы жабылады, - деп хабарлайды Tengrinews.kz тілшісі Астана әкімдігі мәліметіне сілтеме жасап.

Астанада LRT желісінің жобасын іске асыру аясында Сығанақ көшесінің бойында Сауран көшесі мен Ақмешіт көшесінің қиылыстарында монолитті темірбетон балкаларын орнату жұмысы жүргізіліп жатыр.

"Осыған байланысты, 25 тамыздан бастап Сығанақ көшесінің бойымен, нақтырақ айтқанда Қабанбай батыр даңғылынан Түркістан көшесіне дейінгі (оңтүстік жағы) қозғалыс толығымен тоқтатылады және Сығанақ көшесінің бойымен Түркістан көшесінен Қабанбай батыр даңғылына дейінгі аралықта (солтүстік жағы) қозғалысқа ішінара шектеу (екі жолақ) енгізіледі", - делінген хабарламада.

Шектеу мерзімі 30 қарашаға дейін созылады.

Көрсетілген шектеулер бойынша осы учаскеде өтетін қоғамдық көлік қозғалысында өзгерістер болмайды.