Астанада Subaru көлігін ұрлаған ер адам апатқа түсіп, қаза тапты

Астанада 18 сәуірде Subaru автомашинасының жүргізушісі Тілендиев даңғылымен жүріп келе жатып, рульге ие бола алмай, ілеспе бағытта келе жатқан Howo жүк көлігімен соқтығысқан, - деп хабарлайды Tengrinews.kz тілшісі.

Жол апаты салдарынан Subaru жүргізушісі алған жарақаттарынан оқиға орнында қайтыс болды. Тексеру барысында Subaru автокөлігінің айдап әкетілгені анықталды.

Аталған факті бойынша сотқа дейінгі тергеп-тексеру басталды. ҚР Қылмыстық-процестік кодексінің 201-бабы негізінде тергеу мүддесінде сотқа дейінгі тергеп-тексерудің өзге де деректері жария етілмейді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!