Астанада тағы бір көше жөндеуге жабылады

Астанада жөндеу жұмысына байланысты тағы бір көше жабылды, - деп хабарлайды Tengrinews.kz тілшісі Астана әкімдігіне сілтеме жасап.

"Астана қаласы ПД әкімшілік полиция басқармасының келісімі бойынша жол қозғалысы қауіпсіздігін қамтамасыз ету үшін Мәңгілік Ел даңғылы мен Сарайшық көшесінің қиылысындағы көлік айрығынан М1 көпіріне оң жақ ауыспа жолы (съезд) төсеміне орташа жөндеу жұмысын бастады", - делінген елорда әкімдігінің ресми сайтында.

Осыған байланысты 16-31 тамыз аралығында көрсетілген учаскеде көлік қозғалысы толығымен шектеледі.

"Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!