Астанада үсік жүреді

Астанада үсік жүреді, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.

Еліміздің метеоқызметі республиканың бірнеше өңірінде 4 мамырға қараған түні үсік жүретіні туралы ескерту жариялады.

"4 мамыр түнде Ақмола облысының кейбір жерлерінде 3 градусқа дейінгі салқын сақталады. Астана қаласында 4 мамыр түні 1-3 градус суық болады", - делінген хабарламада.

Сонымен қатар, 4 мамыр түні Павлодарда да ауа температурасы төмендейді. Синоптиктердің мәліметінше, күн 1-6 градусқа дейін суытады.