Астанада жаңа туған балаға Бәйдібэкспо есімі қойылған

Елордада сәбилерге жиі қойылатын есімдер аталды, - деп хабарлайды Tengrinews.kz тілшісі Астана қаласы әкімдігінің медиа орталығына сілтеме жасап. 

Әкімдіктің мәліметінше, осы жылдың 10 айында Астанада 25 735 сәби дүниеге келген. "Есіл", "Сарыарқа", "Алматы" аудандары АХАТ бөлімдерінің статистикасына сәйкес осы жылдың 10 айында Астана қаласында 25 735 сәби дүние есігін ашқан.

Қыз балаларға қойылған ең танымал есімдер София, Амира, Кәусәр, Елдана болса ұлдарға Әлихан, Айсұлтан, Алан, Арлан есімдері жиі қойылған.

Сонымен қатар, елімізде өтіп жатқан елеулі оқиғаларға қатыстыда балаларға есім қою дәстүрі жалғасуда. Халықаралық ЭКСПО көрмесі кезінде "Есіл" ауданының АХАТ бөлімі Бәйдiбэкспо есімді ұл баланы тіркеген.