Астанада жезөкшелерге пәтерін жалға берген әйел жазаланды

Астанада интим қызметтер көрсету үшін пәтерді жалға берген әйелге айыппұл салынды, - деп хабарлайды Tengrinews.kz тілшісі.

Сарыарқа аудандық Жергілікті полиция қызметінің өкілдері биыл әкімшілік учаске жүргізген тексеріс барысында Біржан Сал көшесінде орналасқан пәтерлердің бірінің интим қызметтер көрсету үшін 3 қызға жалға берілгенін анықтады. 

Астананың мамандандырылған ауданаралық әкімшілік сотының шешімімен Астананың 39 жастағы тұрғыны ҚР Әкімшілік құқық бұзушылық туралы кодекстің  450-бабының 1-бөлігі бойынша ("Көрінеу жезөкшелікпен айналысу немесе жеңгетайлық үшін үй-жайлар ұсыну") әкімшілік жауапкершілікке тартылды - 100 айлық есептік көрсеткіш көлемінде (240 500 теңге) айыппұл салынды. Сондай-ақ, оның бұл қызметі 3 айға тоқтатылды.