Астанада жолақы құны қымбаттауы мүмкін

Астанада қоғамдық көліктегі жолақы құны қымбаттауы мүмкін. Бұл туралы Tengrinews.kz тілшісіне қала әкімінің орынбасары Қанат Сұлтанбеков айтты.

"Жолақы тарифіне келсек, тарифтер бойынша өзгерістер соңғы рет 2008 жылы жасалды. Әрине, соңғы жылдары жанар-жағармайдың құны екі есе өсті. Тариф өзгермейді деп айтпаймыз", - деді Сұлтанбеков.

Оның айтуынша, бүгінде есеп жүргізіліп жатыр, содан кейін тиісті органдарға ұсыныс енгізіледі. "Жолақы қаншаға өсірілетінін қазір айта алмаймын, белгілі болған уақытта біз сіздерге хабарлаймыз", - деді қала әкімінің орынбасары.