Астанадағы жаңа ауданға қандай атау берілуі мүмкін?

Елордадағы қалалық мәслихаттың қоғамдық тыңдауларында Астанадағы жаңа аудан атауының нұсқалары белгілі болды, - деп, хабарлайды Tengrinews.kz тілшісі.

Елордалық Тілдерді және мұрағаттарды дамыту басқармасының басшысы Сәкен Есіркептің айтуынша, ономастикалық комиссия отырысында жаңа аудан атауына екі нұсқа таңдалған: Нұра және Қараөткел.

"Біз сарапшылармен бірнеше кездесу өткіздік және бірқатар нұсқаны талқыладық және ономастика комиссиясы отырысына екі нұсқаны шығардық. Бірінші нұсқа - Нұра, бұл Ақмола және Қарағанды облыстарындағы өзен. Екінші нұсқа - Қараөткел. Бірақ қазақ грамматикасына сәйкес қатарынан тұрған екі дауысты дыбыс айтылуды қиындатады. Сондықтан Нұра нұсқасын ұсынамыз", - деді Сәкен Есіркепов.

Өз кезегінде елорда мәслихатының хатшысы Ерлан Каналимов жаңа аудан әкімдігінің аппаратын құруға 390 миллион теңге қарастырылғанын айтты. Сондай-ақ, ол Нұрсұлтан Назарбаев халықаралық әуежайының аумағы Есіл ауданына қарайтынын атап өтті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!