Астанадағы Мәңгілік ел даңғылы жартылай жабылады

Астанадағы Мәңгілік ел даңғылы жартылай жабылады, - деп хабарлайды Tengrinews.kz тілшісі елорда әкімдігінің ресми сайтына сілтеме жасап.

"Астанада Мәңгілік ел даңғылында орташа жөндеу жұмыстарын жүргізу жоспарлануда. Осыған байланысты 10 мамыр мен 4 маусым аралығында "Мәңгілік ел" салтанат қақпасынан (Триумфальная арка) Хусейн бен Талал көшесіне дейінгі учаскеде автокөлік құралдары үшін қозғалыс ішінара жабылады", - делінген хабарламада.

Астана тұрғындары мен қонақтары жолдарда кептеліс тудырмау үшін өз маршрутын алдын ала жоспарлағаны абзал.

Сондай-ақ, 8-12 мамыр аралығында Толағай көшесі мен Қараөткел көшесінен Оңдасынов көшесіне дейінгі бөлікте көлік қозғалысы толығымен жабылғаны хабарланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!