+7 (777) 001 44 99
Қазақша
Русский
English
24 қараша 2021 | 12:56
"Астанадағы сценарий қайталанбайды". Алматы әкімінің орынбасары LRT құрылысы туралы айтты
Алматы әкімінің орынбасары Серік Құсайынов қала мен оның маңындағы LRT құрылысы туралы айтты. Ол "Алматы агломерациясы бойынша көлік инфрақұрылымының жай-күйі мен даму перспективалары" тақырыбында өз пікірін білдірді, - деп хабарлайды Tengrinews.kz тілшісі.
ПОДЕЛИТЬСЯ
Алматы әкімінің орынбасары Серік Құсайынов қала мен оның маңындағы LRT құрылысы туралы айтты. Ол "Алматы агломерациясы бойынша көлік инфрақұрылымының жай-күйі мен даму перспективалары" тақырыбында өз пікірін білдірді, - деп хабарлайды Tengrinews.kz тілшісі.
Құсайыновтың айтуынша, келесі жылы жоғары Талғар трассасы бойынша LRT құрылысы басталады. Ол үшін жеңіл рельсті трамвай жобасын өз есебінен салатын жеке инвестор тартылады. Алайда кездесуде қатысушылардың бірі бұл пікірмен келіспеді.
"Rail Jet компаниясы мен Талғар LRT құрылысы туралы көптеген сұрақ бар, өйткені олар өз қаражаты есебінен трамвай салуға уәде береді деу дұрыс емес. Олар бюджеттен қаражат талап етеді, бірақ ол кезде астанадағы сценарий қайталанбайтындай ашық түрде жүзеге асырылуы тиіс", - деді Қазақстандағы БҰҰ даму бағдарламасы "Алматының тұрақты көлігі" жобасының менеджері Елена Ерзакович.
Оның дәлелдеріне жауап бере отырып, Алматы әкімінің орынбасары елордадағы тәжірибені қайталамауға уәде берді.
"Астанадағы сценарий қайталанбайды. Қала әкімдігі қаражат бөлмейді, бұл - мемлекеттік-жекеменшік әріптестік. Жоба іске асырылғаннан кейін бюджеттен қаражат бөлінеді. Заңға сәйкес, барлық кәсіпорынға бөлінетін секілді субсидия бөлеміз", - деді Серік Құсайынов.
Бұған дейін Бақытжан Сағынтаев LRT құрылысына бюджеттен 300 миллион доллар керек екенін мәлімдеген болатын. Алматы әкімі өзінің кейінгі түсініктемелерінде қала бюджеті мұндай қымбат жобаны тарта алмайтынын, ал республикалық бюджеттен бөлінетін қаражат метрополитен құрылысына жұмсалатынын мәлімдеді.
Еске салайық, 2017 жылы Алматы әкімдігі LRT 2021 жылы қолданысқа берілетінін хабарлаған болатын. 2018 жылғы 29 тамызда "Алматыда жеңіл рельсті көлік желісін салу" жобасы бойынша жекеменшік әріптестікті айқындау жөнінде халықаралық деңгейдегі екі кезеңнен тұратын конкурстың бірінші кезеңі жарияланды.
Жоба бойынша жекеменшік серіктесті іздеу конкурсының бірінші кезеңі 2019 жылдың қаңтарында аяқталды, бірақ конкурстың екінші кезеңі өткізілмеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
