Астананың көлік бақылау инспекциясының бұрынғы басшысы пара үшін сотталды

Астананың көлік бақылау испекциясының бұрынғы басшысы пара алғаны үшін сотталды, - деп хабарлайды Tengrinews.kz тілшісі.

Астана сотында "Астана қаласы бойынша көлік бақылау инспекциясы" РММ-ның бұрынғы басшысы Б.Д. Дабылға және көліктегі бақылау инспекциясы бөлімінің басшысы міндетін атқарушы Е.А. Тұрымовқа қатысты сот отырысы аяқталды. 

"Астана қаласының қылмыстық істер бойынша сот алқасы Б.Д. Дабылды ҚР ҚК-нің 366-бабының 2-тарауы бойынша және 55-бабының 4-тарауын қолдана отырып, екі жылға бас бостандығынан айырды. Тұрымов 368-бабының 2-тарауы бойынша және 55-бабының 4-тарауына сәйкес, екі жылға бас бостандығынан айырылды. ҚК-нің 58-бабының 3-тарауына сәйкес, Тұрымов соңғы үкім бойынша үш жылға бас бостандығынан айырылды", - дейді соттың баспасөз қызметінің өкілдері Tengrinews.kz тілшісіне.

Іс материалы бойынша, Дабыл мен Тұрымов автокөлік компанияларынан қамқорлық үшін пара алып тұрған.