Асылжан Мамытбеков қызметінен босатылды

Мемлекет басшысының Өкімдерімен Асылжан Мамытбеков Қазақстан Республикасы Ауыл шаруашылығы министрлігінің жауапты хатшысы қызметінен босатылды, - деп хабарлайды Tengrinews.kz тілшісі Ақорда сайтына сілтеме жасап. 

Мұның алдында Мамытбеков Қостанай, ОҚО, Астана қаласы әкімдерінің орынбасары қызметтерін атқарған. 2007-2008 жылдар аралығында премьер-министр кеңсесі басшысының орынбасары болып жұмыс істеді. 2008-2011 жылдар аралығында "ҚазАгро" холдингінің басшысы болған. Сондай-ақ, ауыл шаруашылығы министрі қызметін атқарған.