Атбасарда туған күн кешін ұйымдастырған асхана және зауыт басшылығы жазаланады

Ақмола облысы Атбасар қаласында туған күн жасаған асхана және зауыт басшылығы жазаланады, - деп хабарлайды Tengrinews.kz тілшісі.

Асханада "Қамқор-Локомотив" ЖШС электровоз зауытының бөлімшесінің директоры орынбасарының туған күні тойланған.  

Туған күн иесін құттықтауға 17 адам келген, оның ішінде, кәсіпорын басшысы да бар. 

Аталған дерек бойынша материал Көліктегі санитарлық-эпидемиологиялық бақылау департаментіне берілді. 

"Одан бөлек, карантин режиміне қарамастан туған күн кешін ұйымдастырып, бас мемлекеттік санитар дәрігердің талабына құлақ аспаған асхана басшылығы да жазаланады", - дейді көліктегі полиция департаменті басшысының бірінші орынбасары Қалижан Қобландин.

Еске салайық, Ақмола облысы коронавирус жағдайына байланысты "қызыл" аймақ тізімінде. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!