+7 (777) 001 44 99
Қазақша
Русский
English
06 наурыз 2022 | 17:50
Атырау облысында 16 ауыл жарықсыз қалды
Атырау облысы Құрманғазы ауданында 16 ауыл желдің салдарынан жарықсыз қалды, - деп хабарлайды Tengrinews.kz тілшісі Атырау облыстық ТЖД-ға сілтеме жасап.
ПОДЕЛИТЬСЯ
Атырау облысы Құрманғазы ауданында 16 ауыл желдің салдарынан жарықсыз қалды, - деп хабарлайды Tengrinews.kz тілшісі Атырау облыстық ТЖД-ға сілтеме жасап.
5 наурызда сағат 03.10-да Құрманғазы ауданында ауа райының нашарлауына байланысты (қатты жел - екпіні секундына 22-23 метр) ішінара Құрманғазы, Орлы, Шортанбай, Нұржау, Жаңаталап, Қиғаш, Бірлік, Ақкөл, Мақаш, Дыңғызыл, Теңіз, Сафон, Байда, Көптоғай, Еңбекшіл, Кудряшов (абонент саны 52 907) елді мекендерінде электр энергиясын беру авариялық жағдайда тоқтатылды.
Жөндеу-қалпына келтіру жұмыстарын "Атырау Жарық" АҚ жүргізіп жатқанын хабарлады. 10 авариялық бригада және 3 техника жұмылды.
"6 наурызда сағат 11.30-дағы жағдай бойынша Орлы, Шортанбай ауылдары және ішінара Құрманғазы кентінде жарық қосылды. Қалған елді мекендерде қосылмады (абонент саны - 38 333). Қазіргі уақытта қалпына келтіру жұмыстары жалғасып жатыр", - деп хабарлады облыстық ТЖД өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
