Атырау облысында бас санитар дәрігер сегізінші рет ауысты

Атырау облысында бас санитар дәрігер сегізінші рет ауысты. Санитарлық-эпидемиологиялық бақылау департаментінің бастығы қызметіне Мәдениет Танауов тағайындалды, - деп хабарлайды "Ақ Жайық".

Танауов 1971 жылы туған, 1997 жылы С. Д. Асфендияров атындағы ҚазҰМУ санитарлық-гигиеналық факультетін бітірген. Бұған дейін ол Орал қаласының бас санитар дәрігері болып жұмыс істеген.

Басылым мәліметінше, Танауовқа дейін бас санитар дәрігер болған Амантай Жұмағалиев бұрынғы қызметіне, Атырау облысы бойынша санитарлық-эпидемиологиялық бақылау департаменті бастығының орынбасары қызметіне оралған.

COVID-19 пандемиясы басталғаннан бері Атырау облысында сегізінші рет бас санитар дәрігер ауысқаны атап өтілді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!