+7 (777) 001 44 99
Қазақша
Русский
English
14 қазан 2022 | 08:26
Атырауда бір күнде екі жүкті әйел қайтыс болды
Атырауда бір түнде екі жүкті әйел қайтыс болды. Бұл туралы облыстық денсаулық сақтау басқармасының басшысы Асхан Байдувалиев мәлімдеді, - деп хабарлайды Tengrinews.kz тілшісі ATPress.kz сайтына сілтеме жасап.
ПОДЕЛИТЬСЯ
Атырауда бір түнде екі жүкті әйел қайтыс болды. Бұл туралы облыстық денсаулық сақтау басқармасының басшысы Асхан Байдувалиев мәлімдеді, - деп хабарлайды Tengrinews.kz тілшісі ATPress.kz сайтына сілтеме жасап.
Басылым мәліметінше, екі өлім де 12 қазанда тіркелген. Жүкті әйелдің бірі Атырау облыстық ауруханасында, екіншісі Мақат ауданында қайтыс болған.
"Барлық реанимациялық шараларға қарамастан, дәрігерлер жүкті әйелдерді аман алып қала алмады", - деді Асхан Байдувалиев брифингте.
Облыстық денсаулық сақтау басқармасы басшысының ана мен бала жөніндегі орынбасары Жанар Садуованың айтуынша, 33-34 жас аралығындағы әйелдердің екеуі де Мақат ауданының тұрғындары.
"Екі жағдайда да жүкті әйелдер жағдайы нашарлап ауруханаға түскен. Бірінші әйелдің өлімінің себебі - cепсис, септицемия, өкпе қабынуы. Дәл осы күні Мақат аудандық ауруханасында тағы да бір жүкті әйел қайтыс болды. Ол ауруханаға шұғыл жеткізіліп, жүрегі үш рет тоқтап қалған. Науқас жүктіліктің 32 апталығында болған. Оны дереу жасанды тыныс алу аппаратына қостық. Қажетті медициналық көмек көрсеттік, бірақ әйелді аман алып қала алмадық. Оған вирустық-бактериялық генез сепсисі деген диагноз қойылды. Екі науқастың өлімін зерттеу жұмыстары аяқталғаннан кейін ғана толық айта аламыз” , - деді Жанар Сәдуова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
