Атырауда коронавирустан тағы бір дәрігер қайтыс болды

18 шілдеде Атырауда №4 қалалық аурухананың ренгенолог дәрігері Нариман Ақпанов қайтыс болды. Бұл - Атырауда қайтыс болған бесінші медицина қызметкері, - деп хабарлайды azh.kz.

Кеше дәрігердің әріптестері оның отбасына көңіл айтып, желіде жазбалар жариялады. Дәрігердің неден қайтыс болғаны хабарланбады. Бірақ ол пневмониямен ауырғаны және COVID-19-ға сынамасы оң нәтиже көрсеткені белгілі. 

«Нариман Зұлпыхарұлы көптеген жыл бойы біздің №4 емханада жұмыс істеп, терең білімі мен машықтарын науқастарды емдеуге арнады. Оның әзілқойлығы мен адамгершілік сезімі, әділеттілігі, ұстанымын қорғай білуі біз үшін әрқашан үлгі болды", - деп жазды марқұмның әріптестері.

Қазақстан жаңалықтары. Соңғы жаңалықтар. Telegram желісінде бізге жазыл!