Атыраудың бірнеше шағынауданы жарықсыз қалды

Қарашаның 13-інен 14-іне қараған түні Атыраудағы Бірлік шағынауданындағы №18 электр қосалқы стансасында өрт шығып, соның салдарынан қаланың бірнеше шағынауданында электр қуаты өшіп қалды, - деп хабарлайды Tengrinews.kz тілшісі Azh.kz сайтына сілтеме жасап.

Өрт уақытында сөндірілді. Геолог, Жұлдыз, Бірлік, Томарлы, Контейнер және Привокзальный шағынаудандары жарықсыз қалды.

"Жағдай облыс әкімі Серік Шәпкеновтің жеке бақылауында. Аймақ басшысының тапсырмасымен "Атырау Жарық" АҚ төтенше жағдайлар қызметі мен қала әкімдігі төтенше жағдайдың салдарын жою және апаттық жағдайды қалпына келтіру мақсатында жөндеу жұмыстарын жүргізіп жатыр", - деп хабарлады облыс әкімінің баспасөз қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!