+7 (777) 001 44 99
Қазақша
Русский
English
17 қазан 2018 | 10:43
Атышулы Назар Роллан 6 айға көлік жүргізу құқығынан айырылды
Әл-Фараби даңғылымен қарсы бағытта жүрген Назар Роллан 6 айға көлік жүргізу құқығынан айырылды, - деп хабарлайды Tengrinews.kz тілшісі.
ПОДЕЛИТЬСЯ
Әл-Фараби даңғылымен қарсы бағытта жүрген Назар Роллан 6 айға көлік жүргізу құқығынан айырылды, - деп хабарлайды Tengrinews.kz тілшісі.
Сот тыңдалымы Алматы қаласындағы әкімшілік сотта өтті. 20 жастағы алматылық бар кінәсін мойындады. Ол енді жарты жылдан кейін ЖЖЕ бойынша емтихан тапсыру тиіс.
"Емтиханды қайта тапсыру алты айдан кейін. Теория. Көлік жүргізудің қажеті болмайды. Жүргізуші куәлігін оқиғадан кейін жоғалтып алдым. Енді таксимен жүремін", - деді Назар Роллан.
Еске сала кетейік, Алматыдағы әл-Фараби даңғылымен жолдың қарсы бағытында жүріп, жолда бірнеше рет маневр жасап, оны видеоға түсіріп, әлеуметтік желіде таратып аты шыққан Назар Ролланның жеті тәулікке қамауға алынғаны хабарланған болатын және ол кеше, 16 қазанда босатылды.
"1998 жылғы жүргізушіге қатысты 5 хаттама толтырылды. ҚР Әкімшілік құқық бұзушылық туралы кодексінің 590-бабы 1-бөлігі бойынша 1 қазанда Land Cruiser Prado автокөлігін - 28 қыркүйекте Lexus автомобилін мемлекеттік нөмірсіз жүргізу; үшінші хаттама - 596-бабы 3 бөлігі 28 қыркүйекте жолдың қарсы бетіне шығып кету; төртінші хаттама - маневр жасау және жолаушыларды тасымалдау - ол шанамен сырғанаған, бесінші хаттама - маневр жасау ережелерін бұзу. Іс материалдары сотқа жіберіледі, ол көлік жүргізу құқығынан айырылады. Барлық тағылған айыппен жүргізуші келісті", - деген еді Алматы ІІД ресми өкілі Салтанат Әзірбек.
Показать комментарии
Читайте также
