Атырауда антитеррорлық жаттығулар өтеді

Атырау территориясында "Найза-Антитеррор-2018" терроризмге қарсы жаттығу шараларын жүргізу жоспарланып отыр. 

Атырау облыстық терроризмге қарсы күрес жедел штабы мәліметінше, 2018 жылы 19 қазанда ҚР Антитеррорлық орталық атынан Атырауда жаттығулар өткізу жоспарланған. 

Жаттығу мақсаты - мемлекеттік және құқық қорғау органдары қызметкерлерінің терроризм актісіне тойтарыс берудегі дайындығын анықтау. 

"Көрсетілген мерзімде Атырауда кейбір аудандарында шектеулі шаралар енгізіледі. Осы орайда тұрғындары мен облыс қонақтарын жаттығу шараларына түсіністікпен қарап, сабыр сақтауды сұраймыз. Уақытша келтірілген ыңғайсыздықтар үшін кешірім сұраймыз", - делінген штабтың таратылған хабарламасында.