Ауа райы: жаңбыр жауып, көктайғақ болады

Қазақстанда 2-4 ақпанда ауа райы жаңбырлы болады. "Қазгидромет" синоптиктерінің мәліметінше, елде ауа райына циклон әсер етеді, - деп хабарлайды Tengrinews.kz тілшісі.

"Атлантикалық циклонның жырасы Қазақстан аумағы бойынша батыстан шығысқа қарай жылжи отырып, өзімен бірге жаңбыр мен қар түрінде жауын-шашын, көктайғақ, жаяу бұрқасын, желдің күшеюін, сондай-ақ солтүстік жартысында ауа температурасының көтерілуін әкеледі", - делінген хабарламада.
 

Одан бөлек, оңтүстік өңірлерде ауа райы жауын-шашынсыз, күн шуақты болатыны айтылды. 

Бұған дейін Қазақстанның сегіз қаласында метеожағдай қолайсыз болатыны хабарланған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!