"Әуестенбеуді сұраймын". Назарбаев туралы фильмнің жаңа тизері жарияланды

ҚР Тұңғыш Президентінің баспасөз хатшысы Айдос Үкібай Нұрсұлтан Назарбаев туралы деректі фильмнің жаңа тизерін жариялады, - деп хабарлайды Tengrinews.kz тілшісі. 

"8 қаңтарда сағат 21.45-те "Хабар" телеарнасының эфиріне "Штрихи к портрету" деректі фильмінің жалғасы шығады. Фильмнің үшінші сериясында саясат туралы сұрақ аз болады, сұрақтар жеке басына және бұрын белгісіз болып келген жайттарға қатысты қойылады", - деп жазды Айдос Үкібай Twitter желісінде.

"Штрихи к портрету" - Қазақстанның Тұңғыш Президентінің жеке басына қатысты көрермен білмеген қырын ашып, Нұрсұлтан Назарбаевтың өмірі мен қызметіне арналған көпсериялық деректі фильм.

"Ұшқыш та, теңізші де болғым келді... Басшылық лауазымдағы қазақстандықтардан әуестенбеуді сұраймын", - дейді Нұрсұлтан Назарбаев тизердің кадрында. 

Фильм эксклюзив интервью негізінде түсірілген.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!