Айбек Паяевтың депутаттық өкілеті тоқтатылды

Мәжіліс депутаттары ҚР Орталық сайлау комиссиясының депутат Айбек Паяевтың өкілетін мерзімінен бұрын тоқтату туралы ұсынысын қолдады, - деп хабарлайды Tengrinews.kz тілшісі.

Орталық сайлау комиссиясының мүшесі Шавкат Өтемісовтің айтуынша, өкілетін тоқтату туралы өтінішті Мәжіліс депутаты Айбек Паяевтың өзі берген.

"Осыған байланысты, Орталық сайлау комиссиясы Қазақстан Конституциясының 52-бабына, Конституциялық заңның 24-бабының 3 және 8-тармақтарына сәйкес және өтініш негізінде Мәжіліс депутаты Айбек Минаимбекұлы Паяевтің өкілетін мерзімінен бұрын тоқтату туралы мәселені шешу үшін ұсыныс енгізеді", - деді Өтемісов Мәжіліс отырысы кезінде.

Депутаттар ұсынысты қолдап, бірауыздан дауыс берді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!