Айдос Майлыбаев Ақмола облысының прокуроры болып тағайындалды

Бас прокурордың бұйрығымен Ақмола облысы прокурорының аға әділет кеңесшісі болып Майлыбаев Айдос Серікханұлы тағайындалды, - деп хабарлайды Tengrinews.kz тілшісі Бас прокуратураның баспасөз қызметіне сілтеме жасап.

Майлыбаев 1977 жылы Алматы қаласында дүниеге келген. Жоғары құқықтық білімі бар.

Алматы облысының екі ауданының прокуроры болып қызмет атқарған.

Сонымен қатар, Жамбыл облысы прокурорының орынбасары және Ақтөбе облысы прокурорының бірінші орынбасары болған.

Осы тағайындауға дейін Бас прокуратураның Департамент бастығы болған.

Қоғамдық тәртіп пен заңдылықты қамтамасыз етудегі жетістігі үшін Мемлекет басшысының Жарлығымен "Жауынгерлік ерлігі үшін" (2014 жылы) медалімен марапатталған.