+7 (777) 001 44 99
Қазақша
Русский
English
25 ақпан 2023 | 17:39
Азық-түлік көлемі: Жұманғарин бірқатар тапсырма берді
Премьер-министрдің орынбасары - сауда және интеграция министрі Серік Жұманғарин әлеуметтік маңызы бар азық-түлік өнімдерінің бағасын тұрақтандыру жөнінде кеңес өткізді, онда өңірлердегі көкөністер бойынша тауар интервенцияларының нәтижелерін және сауда нарықтарын трансформациялауды қоса алғанда, көп мәселе қаралды, - деп хабарлайды Tengrinews.kz тілшісі primeminister.kz-ке сілтеме жасап.
ПОДЕЛИТЬСЯ
Премьер-министрдің орынбасары - сауда және интеграция министрі Серік Жұманғарин әлеуметтік маңызы бар азық-түлік өнімдерінің бағасын тұрақтандыру жөнінде кеңес өткізді, онда өңірлердегі көкөністер бойынша тауар интервенцияларының нәтижелерін және сауда нарықтарын трансформациялауды қоса алғанда, көп мәселе қаралды, - деп хабарлайды Tengrinews.kz тілшісі primeminister.kz-ке сілтеме жасап.
"Біз бағаны тұрақтандыру үшін тұрақтандыру қорларын құрдық, қалыптасқан қорлар көкөністері бойынша бронь алып тастау қарқыны әлсіз. Қорлардың мәлімделген көлемдерге сәйкестігі бойынша сұрақтар туындайды. Ауыл шаруашылығы министрлігіне барлық өңірде тұрақты қорларда көкөністер мен олардың көлеміне тексеру жүргізуді, ӘКК қызметінің тиімділігін тексеруді тапсырамын. Қаржы министрлігі, МКК және СИМ ФДО деректерін талдау арқылы қалыптастырылған қорлардан бронь алып тастауды тексеруі керек", - деді Серік Жұманғарин.
МТИ Сауда комитетінің мониторингіне сәйкес, өңірлердің көбінде әлеуметтік маңызы бар көкөністер белгіленген индикатив бағаларға сәйкес келеді. Алайда Астана, Шымкент, Қарағанды және Солтүстік Қазақстан облыстарында олар белгіленген индикативтерден асып сатылады.
"Көп аймақ бағаны тұрақтандыру тетіктерін қалай болса солай жүзеге асырып, осы жұмыстың оң нәтиже беруіне кедергі жасап отыр. Жекелеген өңірлерде шарттар бойынша бронь алып тастау 5 айға дейін белгісіз болады, бұл ретте көкөністердің барлық көлемі емес, қорлардың бір бөлігі ғана шығарылады. Атырау облысында көкөністерді сату 2022 жылғы қыркүйектен бастап бақылау-кассалық аппараты жоқ қала базарларындағы 6 сауда нүктесінде жүргізіледі. Алматыда қырыққабаттан бронь алып тастауды сәуірде ғана бастау жоспарланып отыр. Тиісінше, біз мұнда маусымаралық тауар интервенциясының нәтижелерін ала алмаймыз", - деді Айдар Әбілдабеков.
Көкөністердің тауарлық интервенцияларының көлемін ауыл шаруашылығы вице-министрі Ербол Тасжүреков айтты.
"Ақпанның басынан бастап картопты сату көлемі 7,1 мың тонна болды, бұл бұрын келісімшарт жасалған көлемнің 8,6 пайызы ғана, сәбіз - 2,8 мың тонна (10,2 пайыз), қырыққабат - 2,4 мың тонна (11,8 пайыз), пияз - 3,9 мың тонна (16,5 пайыз)", - деді ол.
Айдар Әбілдабековтің айтуныша, келесі аптада өңірлік ӘКК мен ТәжАгроПромЭкспорт арасында ерте егін жинауға тікелей келісімшарттар жасасу үшін Тәжікстанға сапар жоспарланған. Бұл ретте Абай, Жетісу, СҚО және Атырау облыстары Тәжікстаннан жеткізілетін ерте жиналған пиязды қажет етпейтінін, ал ШҚО мен БҚО үшін оны мамырда ғана алдырту керегін айтты.
МТИ бірінші вице-министрі Арман Шаққалиев ірі сауда нарықтары жұмысының тиімділігін арттыру және жаңғырту жөніндегі жұмыстың іске асырылу барысы туралы хабардар етті. Атап айтқанда, "Алтын орда" нарығы республиканың көтерме саудасының 40 пйызына дейін қалыптастырады. Күнделікті базарға 10 000-ға дейін тұтынушы барады, орташа жүктеме - 400 фура көкөніс және жеміс-жидек өнімдері, оның ішінде көрші елдерден әкелінетіндері де бар.
Базарлар жұмысын өркениетті форматқа көшіру шеңберінде Алматы мен Алматы облысында контрмагнит базарларын құру ұсынылады. Бұл нарықтардың қызметін ретке келтіруге, көлеңкелі айналымды қысқартуға, салық түсімдерін арттыруға, отандық өндірушілердің өткізу нарықтарына тікелей қол жеткізуін қамтамасыз етуге мүмкіндік беретін А класындағы сауда орталықтары болмақ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
