+7 (777) 001 44 99
Қазақша
Русский
English
02 қараша 2023 | 10:32
Бағаны екі есе көтерген: Антикор негізсіз қымбат компьютерлерді сатып алу әрекетін тоқтатты
Алматы облысының сыбайлас жемқорлыққа қарсы қызметі бюджет қаражатын мақсатсыз пайдалану әрекетін тоқтатты, - деп хабарлайды Tengrinews.kz тілшісі "Казправда" мәліметіне сілтеме жасап.
ПОДЕЛИТЬСЯ
Алматы облысының сыбайлас жемқорлыққа қарсы қызметі бюджет қаражатын мақсатсыз пайдалану әрекетін тоқтатты, - деп хабарлайды Tengrinews.kz тілшісі "Казправда" мәліметіне сілтеме жасап.
Антикор мәліметінше, облыстық цифрлық технологиялар басқармасы жалпы сомасы 20 миллион теңге болатын компьютерлік техника сатып алуға конкурс жариялаған. Шенеуніктер 32 компьютер, үш ноутбук және төрт моноблок сатып алуды жоспарлаған.
Тексерушілер анықтаған мәлімет бойынша, сатып алу жоспарланған тауарлардың орташа құны нарықтағы бағасынан айтарлықтай (60-тан 100 пайызға дейін) асып кеткен. Антикордың араласуынан кейін мәміле жойылып, сатып алулар қайта өткізіледі.
Мемлекеттік органның өтінімі "Бірыңғай мемлекеттік сатып алулар порталы" жүйесі арқылы жарияланған. Ол қазір Антикордың жіті бақылауында. Жыл басынан бері аталған сайтқа жүргізілген мониторинг барысында бір миллиард теңгеден аса сомаға мемлекеттік органдардың негізсіз сатып алуларына тосқауыл қойылғаны айтылды.
Мәселен, облыстық ТЖД мамандандырылған бейнеконференцбайланысқа 50 миллион теңге жұмсауды жоспарлаған болса, мұндай жүйенің нарықтағы орташа бағасы небәрі 4 миллион теңге болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
