Бахрейнде 20-дан аса қазақстандық қыз сексуалдық құлдықта болған

Бахрейнде 20-дан аса қазақстандық қыз сексуалдық құлдыққа түскен, - деп хабарлайды Tengrinews.kz тілшісі. Қазақстанның Сауд Арабиясындағы Елшілігінің жәрдемімен Бахрейн полициясы ҚР азаматшаларын сексуалдық құлдықтан босатты, - деп хабарлайды Қазақстан СІМ баспасөз қызметіне сілтеме жасап. 

"Қазақстанның Сауд Арабиясындағы Елшілігінің жәрдемімен Бахрейн полициясы 21 ҚР азаматшаларын сексуалдық құлдықтан босатты. Жақсы жалақы алу уәдесіне сенген жас қыздар Бахрейнге қонақ үйде қызмет көрсету саласында жұмыс жасауға келген. Алайда, келген бойда күтіп алушылар құжаттарын тартып алып, жезөкшелікпен айналысуға мәжбүрлеген. Бағынбаған жаңдайда күш көрсеткен", - делінген хабарламада. 

Қазіргі уақытта барлық күдіктілер, соның ішінде қазақстандық азаматшалар ұсталып, тиісті тергеу жұмыстары жүргізіліп жатыр. Зардап шеккендер арнайы оңалту орталығына орналастырылып, жуық арада Қазақстанға қайтарылады.