Байқоңыр басшысының орынбасары қызметіне бір ай бұрын ғана келген шенеунік орнынан кетті

Байқоңыр әкімшілік қаласы басшысының орынбасары Кубаныч Абдубатаев өз еркімен қызметтен кетті. Ведомство өкілдері бұл ақпаратты растады, - деп хабарлайды Tengrinews.kz тілшісі. 

Оның 2017 жылдың 3 тамызында жұмыстан кеткені белгілі болды. Бұл орынға Кубаныч 2017 жылдың 4 шілдесінде тағайындалған. 

Кубаныч Абдубатаев 1965 жылы 23 сәуірде Қырғызстанда дүниеге келген. 1986 жылы "Новосибирское высшее военно-политическое общевойсковое училищесін"  Тарих және қоғамтану мамандығы бойынша аяқтаған.

1993 жылы Қырғыз мемлекеттік университетін "Құқықтану" мамандығы бойынша тәмәмдады. 

1982-2015 жылдар аралығы Ресей федерациясының әскері қатарында қызмет етті, 2002 жылдан бері Байқоңыр ғарыш айлағында әскери прокурор болды.

2015-2017 жылдары әлеуметтік бағдарламалар бөлімінің басшысы болды.