"Байқоңыр" ғарыш айлағынан әскери жер серігі бар "Протон-М" зымыран тасығышы ұшырылды

Бүгін "Байқоңыр" ғарыш айлағынан "Протон-М" зымыран тасығышы мен әскери жер серігі ұшырылды, - деп хабарлайды Tengrinews.kz тілшісі ҚР Қорғаныс және аэроғарыш министрлігінің баспасөз қызметіне сілтеме жасап.

"Бүгін, 17 тамызда сағат Астана уақыты бойынша сағат 04.07-де "Байқоңыр" ғарыш айлағынан Ресей Федерациясы Қорғаныс министрлігінің "Протон-М" зымыран тасығышы мен әскер жер серігі ұшырылды. Барлығы штаттық режимде өтті", - деп хабарлады ведомстводағылар.

Ресей Федерациясы Қорғаныс министрлігінің мәліметінше, зымыран тасығышты ұшыру кезінде қауіпсіздік шараларын жерүсті автоматтандырылған басқару кешені бақылады.

Айта кетейік, осыған дейін қазақстандық және ресейлік мамандардың зымыран тасығыштарды ұшыру кезінде қауіпсіздік шараларын күшейтетіні айтылған болатын.