"Байқоңырдағы" апат: Ғарышкерлерді іздеу шарасы жүріп жатыр

Байқоңырда зымыран ұшыру кезінде апат болған "Союз МС-10" зымыран-тасығышының экипажын іздеу мақсатында Жезқазған, Байқоңыр және Қарағанды аэродромдарынан Ми-8 тікұшақтары ұшып шықты, - деп хабарлайды Tengrinews.kz тілшісі РИА Новостиге сілтеме жасап.

Іздеу және құтқару шарасына төрт тікұшақ жұмылдырылды. Тікұшақ бортында құтқарушылар мен дәрігерлер бар.  

Роскосмос Instagram желісіндегі ресми аккаунтында ғарышкер Алексей Овчинин үшін "Союз МС-10" кемесінде екінші жартыжылдық "комондировка" болуы тиіс еді. Ник Хейг болса бірінші рет ұшқан. 

Еске салайық, Байқоңырда зымыран ұшыру кезінде апат болды. Бұл туралы диктор "Роскосмос" сайтында телетрансляция кезінде айтты. "Союз МС-10" бортында ресейлік ғарышкер Алексей Овчинин мен америкалық астронавт Ник Хейг болған. Олар аман-есен, байланысқа шықты.

NASA мәліметінше, іздестіру-құтқару командасы апат болған жерге бара жатыр.