Бақыт Сұлтанов "Даму" қорының директорлар кеңесінің төрағасы болып сайланды

Бақыт Сұлтанов "Даму" кәсіпкерлікті дамыту қоры" АҚ директорлар кеңесінің төрағасы болып сайланды. Бұл туралы Қазақстан қор биржасының (KASE) хабарламасында айтылған, - деп хабарлайды Tengrinews.kz тілшісі.

"Даму" кәсіпкерлікті дамыту қоры" АҚ (...) KASE директорлар кеңесінің 2022 жылғы 4 ақпандағы шешімі бойынша, Бақыт Сұлтанов қордың директорлар кеңесінің төрағасы болып сайланды", - делінген хабарламада.

Енгізілген өзгерістерге сәйкес, "Даму" кәсіпкерлікті дамыту қорының директорлар кеңесі сегіз адамнан тұрады: Бақыт Сұлтанов, Елена Бахмутова, Райымбек Баталов, Әсем Нұрғалиева, Рустам Жүрсінов, Тимур Жақсылықов, Әділ Мұхамеджанов, Гаухар Бөрібаева.

Бақыт Сұлтанов 2022 жылдың 11 қаңтарынан бастап премьер-министр лауазымына тағайындалған Әлихан Смайыловтың орнына келді.

Бақыт Сұлтанов қаңтардан бастап премьер-министрдің орынбасары - сауда және интеграция министрі болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!