Бақытжан Сағынтаев жаңа қызметке тағайындалды

Алматының бұрынғы әкімі Бақытжан Сағынтаев Еуразиялық экономикалық комиссия алқасының мүшесі (министрі) болып тағайындалды, - деп хабарлайды Tengrinews.kz тілшісі.

Ұйымның сайтындағы мәлімет бойынша, Сағынтаевты ЕЭК Алқасының мүшесі етіп тағайындау туралы шешім 23 мамырда Мәскеуде шығарылған болатын. Ол Руслан Бекетаевтың орнына келді. Сағынтаев Бекетаевты тағайындау кезінде белгіленген өкілеттіктің қалған мерзіміне тағайындалды.

Еске салайық, Бақытжан Сағынтаев Алматы әкімі қызметінен 2022 жылдың қаңтарында "басқа қызметке ауысуына байланысты" босатылған болатын. Ол 2019 жылдың 28 маусымынан Алматы қаласын басқарды.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!