Бас прокуратура қазақстандықтарға тағы үндеу жасады

Бас прокуратура алаяқтыққа қатысты тағы ескерту жасады, - деп хабарлайды Tengrinews.kz тілшісі.

Бас прокуратура мәліметінше, мессенджерлерде прокуратура органдары басшылығының суреттері бар жалған парақшалар құру және алаяқтық әрекет белгілері бар хабарламалар жіберу жағдайлары жиілеп кеткен.

"Осыған байланысты Бас прокуратура азаматтарды бейтаныс аккаунттарға сенбеуге және күмәнді сілтемелерді ашпауға шақырады.

Осындай қоңыраулар немесе хабарламалар алған кезде осы деректер туралы құқық қорғау органдарына дереу хабарлауды сұраймыз", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!