Бас прокуратура өкілі Бишімбаевтың соты туралы сұраққа жауап берді

Мәжіліс кулуарында Бас прокурордың орынбасары Әсет Шындалиев ұлттық экономиканың экс-министрі Қуандық Бишімбаевтың ісіне қатысты пікір білдірді, - деп хабарлайды Tengrinews.kz тілшісі.

Журналистер Бас прокурордың орынбасарынан бұл істі прокуратура қадағалап отыр ма деп сұрады.

"Бишімбаевтың ісі сотқа жолданды. Айыптауды қолдайтын тиісті мемлекеттік айыптаушы болады", - деп жауап берді Шындалиев.

Журналистер Шындалиевтен Бишімбаевтың алқабилермен ашық сот отырысын өткізу туралы өтініші туралы да сұрады (бұл туралы кейбір БАҚ бұған дейін жазған болатын).

"Істi алқабилер қарауына өтiнiш беру тараптардың құқығы. Бұл істі қадағалайтын прокурор бар, олар білетін шығар, мен қарамаймын. Сотта бағасын береді", - деді Бас прокурордың орынбасары.

Сілтемесіз жаңалық оқисыз ба? Онда Telegram желісінде парақшамызға тіркеліңіз!