Бас прокурор Асылов қаңтар оқиғасы туралы: қаза болғандар тізімі міндетті түрде жарияланады

Бүгін тағайындалған Бас прокурор Берік Асылов қаңтардағы тәртіпсіздіктер кезінде қаза тапқан қазақстандықтардың тізімін жариялауға уәде берді, - деп хабарлайды Tengrinews.kz тілшісі.

Сенат кулуарында журналистер қаңтар оқиғасы кезінде қаза болғандар тізімі әлі күнге жарияланбағанына наразылық білдірді.

"Ол тізім міндетті түрде жарияланады, сіздер міндетті түрде қатысасыздар. Бірақ қазір айта алмаймын. Қашан екенін айта алмаймын. Тергеу жүріп жатыр", - деп жауап берді Асылов БАҚ өкілдеріне.

Бұған дейін Берік Асылов Қазақстан Республикасының Бас прокуроры лауазымына тағайындалғаны хабарланды. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!