Бас санитар сұлулық салонындағы қызмет түріне қатысты пікір білдірді

Журналистер Қазақстанның бас санитар дәрігері Айжан Есмағамбетовадан сұлулық салондарының мамандары қандай қызмет ұсына алатынын сұрады, - деп хабарлайды Tengrinews.kz тілшісі.

"Менің шығарған қаулыма сәйкес сұлулық салондарының қызметіне рұқсат етілді. Қаулыда қандай да бір қызмет түріне шектеу деген жоқ", - деді Айжан Есмағамбетова.

"Ешқандай қиял емес" - Есмағамбетова коронавирусқа күмәнмен қарайтындарға жауап берді

Сондай-ақ ол ауру өсімі 5 пайыздан аспаса сұлулық салондары жұмыс істей алатынын атап өтті.

"Әр аймақта жағдай әртүрлі. Біз Қазақстан үшін ереже бекітеміз, бірақ әр аймақта, тіпті, аймақтың ішінде жағдай әртүрлі болуы мүмкін. Карантинді жеңілдету аймақтың эпидемиологиялық жағдайына байланысты болады", - деп түсіндірді бас санитар.

Қазақстан жаңалықтары. Соңғы жаңалықтар. Telegram желісінде бізге жазыл!