Батыс Қазақстан облысында киіктердің қырылу себебі аталды

Батыс Қазақстан облысында жүздеген киіктің қырылу себебі аталды, - деп хабарлайды Tengrinews.kz тілшісі.

19 мамырда Жәнібек ауданы Күйгенғұл ауданы, Ащыөзек өзенінің жағасынан 150-ге жуық өлі киік табылған. "Охотзоопром" МКҚК мәліметінше, жануарлардың жаппай қырылуы табиғи себептерге байланысты.

"Жас төлдері (осы жылдың төлдері) мен аналықтары қырылды. Босанғаннан кейін аналықтардың иммунитеті әлсіреген. Ешқандай улану немесе қылмыс болған жоқ. Топырақ пен өсімдіктердің сынамалары алынды, өлген киіктерге сараптама жүргізілді. Бұл көктемде және қыста болатын табиғи өлім", - деп хабарлады Tengrinews.kz тілшісіне "Охотзоопром".

Қазір Батыс Қазақстан облысында киіктердің саны есептеліп жатыр. Алдын ала мәлімет бойынша, бұл өңірде олардың саны миллионға жуықтаған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!