Байқоңырда жоғалған балалар: іздеу жұмыстары қайта басталады

Қызылорда облысы Төтенше жағдайлар департаменті Байқоңырда жоғалған екі баланың бірін іздеу кеше тоқтатылғанын және бүгін қайта басаталатынын мәлім етті, - деп хабарлайды Tengrinews.kz тілшісі.

"Іздеу жұмыстары уақытша тоқтатылды. Ертең таңертең құтқарушыларымыз су және кинологиялық есеп бойынша іздеу жұмыстарын жалғастырады. Екінші бала әлі табылған жоқ", - деп хабарлады кеше ведомстводағылар.

Еске салайық, 20 ақпанда Байқоңыр қаласындағы "Маяк" спорт кешенінде өткен жаттығудан кейін жеті жастағы екі бала жоғалып кетті. Ресейдің тергеу комитеті екі баланың жоғалып кету дерегі бойынша қылмыстық іс қозғады. Балаларды ресейлік және қазақстандық құқық қорғау органдары іздестіреді.

21 ақпанда ТЖД өкілдері жеті жасар Ерхан Анастың денесі Сырдария өзенінен табылғанын хабарлады. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!