Белгілі ғалым-экономист Нұрғали Мамыров қайтыс болды

83 жасында белгілі ғалым-экономист, экономика ғылымдарының докторы, профессор, Қазақстан Ұлттық Ғылым академиясының академигі Нұрғали Мамыров дүниеден өтті, - деп хабарлайды Tengrinews.kz тілшісі.

Нұрғали Құлшыманұлы ұзақ уақыт бойы Тұрар Рысқұлов атындағы Қазақ экономикалық университетін (қазіргі Narxoz University) 1982 жылдан 1988 жылға дейін және 1995 жылдан 2005 жылға дейін басқарып, оның дамуына үлкен үлес қосқан.

Нұрғали Мамыров гуманитарлық ғылымдар саласындағы үздік ғылыми зерттеулері үшін Шоқан Уәлиханов атындағы сыйлықтың лауреаты, "Парасат" орденінің иегері, өнеркәсіп пен білім беру байланыстарын нығайтқаны үшін "SPI Алтын медалінің" (Франция) иегері болған.

Редакция марқұмның отбасы мен жақындарына қайғырып көңіл айтады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!