+7 (777) 001 44 99
Қазақша
Русский
English
18 наурыз 2019 | 12:26
Берік Арын Қазақстанның Сауд Арабиясындағы елшісі болып тағайындалды
Берік Арын Қазақстанның Сауд Арабиясындағы елшісі болып тағайындалды , - деп хабарлайды Tengrinews.kz тілшісі Ақордаға сілтеме жасап.
ПОДЕЛИТЬСЯ
Берік Арын Қазақстанның Сауд Арабиясындағы елшісі болып тағайындалды , - деп хабарлайды Tengrinews.kz тілшісі Ақордаға сілтеме жасап.
"Берік Сақбайұлы Арын Қазақстан Республикасының Сауд Арабиясы Корольдігіндегі Төтенше және Өкілетті Елшісі, Қазақстан Республикасының Ислам Ынтымақтастығы Ұйымы жанындағы Тұрақты Өкілі қызметіне", - делінген Ақорданың хабарламасында.
Бақыт Данабекұлы Батыршаев Қазақстан Республикасының Сауд Арабиясы Корольдігіндегі Төтенше және Өкілетті Елшісі, Қазақстан Республикасының Ислам Ынтымақтастығы Ұйымы жанындағы Тұрақты Өкілі қызметінен, Қазақстан Республикасының Бахрейн Корольдігіндегі Төтенше және Өкілетті Елшісі қызметін қоса атқарудан босатылды.
Берік Арын 1969 жылы Талдықорғанда дүниеге келген. Әл-Фараби атындағы Қазақ ұлттық университетін "Филология" мамандығы бойынша, Қазақ мемлекеттік заң университетін "Құқықтану" мамандығы бойынша тәмамдаған.
Еңбек жолын 1994 жылы Қазақстан Республикасының Сыртқы істер министрлігінің Орта, Таяу Шығыс және Африка елдері басқармасының референті, атташесі лауазымынан бастаған.
1996 жылғы желтоқсан айынан 2001 жылғы шілде аралығында Қазақстан Республикасының Сауд Арабиясы Корольдігіндегі Елшілігінің атташесі, үшінші хатшысы, екінші хатшысы, бірінші хатшысы лауазымдарында қызмет еткен.
2001 жылғы шілдеден 2002 жылғы наурыз айы аралығында ҚР СІМ Африка екіжақты ынтымақтастық департаментінің бөлім басшысы болған.
2002 жылдың наурыз айынан қыркүйек айына дейін ҚР СІМ Азия, Таяу Шығыс және Африка департаментінің бөлім басшысы.
2002 жылғы қыркүйек айынан 2006 жылғы ақпан айы аралығында ҚР-ның Мысыр Араб Республикасындағы Елшілігінің кеңесшісі.
2006 жылғы ақпан айынан 2007 жылғы маусым аралығында ҚР Президенті Әкімшілігінің Сыртқы саясат орталығының бас инспекторы.
2007 жылғы маусым - 2009 жылғы желтоқсан аралығында ҚР Парламентінің Сенаты Аппаратының Парламентаралық байланыстар және халықаралық ынтымақтастық бөлімінің меңгерушісі.
2009 жылғы желтоқсан - 2011 жылғы желтоқсан аралығында ҚР Парламенті Сенатының Аппараты басшысының орынбасары.
2011 жылғы желтоқсан 2016 жылғы қазан айына дейін ҚР-ның Египет Араб Республикасындағы Төтенше және Өкілетті Елшісі болды.
2012 жылғы ақпан 2016 жылғы қазанға дейін Араб Мемлекеттері Лигасы жанындағы Қазақстан Республикасының тұрақты Өкілі.
2012 жылғы мамырдан 2016 жылғы қазан айына дейін ҚР-ның Марокко Корольдігіндегі Төтенше және Өкілетті Елшісі қызметін қоса атқарған. 2015 жылғы сәуірден 2016 жылғы қазан айына дейін ҚР-ның Алжир Халық Демократиялық Республикасындағы, Тунис Республикасындағы Төтенше және Өкілетті Елшісі қызметін қоса атқарған.
Показать комментарии
Читайте также
