Берік Асылов Қазақстанның бас прокуроры болып қайта тағайындалды

Еске сала кетейік, бұған дейін әділет министрі Ерлан Сәрсембаев жаңа Конституция күшіне енгеннен кейін екі ай ішінде Қазақстанда алты лауазымды тұлға тағайындалуы тиіс екенін хабарлады.

Министрдің нақтылауынша, жаңа Конституцияның 95-бабына сәйкес, ол күшіне енген күннен бастап екі ай ішінде (яғни 2026 жылғы 1 шілдеден бастап) тағайындалуы тиіс:

• Бас прокурор;
• Ұлттық банк төрағасы;
• Жоғарғы сот төрағасы;
• Ұлттық қауіпсіздік комитетінің төрағасы;
• Жоғары сот кеңесінің төрағасы;
• Адам құқықтары жөніндегі уәкіл.

Әділет министрінің айтуынша, сайлаудан кейін Үкімет жаңадан сайланған Құрылтайдың алдында өз өкілеттігін тоқтатады.

Қысқаша өмірбаян

Берік Асылов 1964 жылы 28 ақпанда Жамбыл облысында дүниеге келген.

1992-2001 жылдар аралығында Алматы қаласы Алатау ауданы прокуратурасының аға тергеушісі, Бас прокуратура жанындағы ерекше маңызды істер жөніндегі тергеуші және аға тергеуші, Алматы авиациялық көлік прокурорының орынбасары, Бас прокуратураның жедел-іздестіру қызметі заңдылықты қадағалау бөлімінің бастығы қызметтерін атқарды.

2001-2006 жылдары Оңтүстік Қазақстан облысы прокуратурасында басшылық лауазымдарда болып, Шымкент прокуроры, Оңтүстік Қазақстан облысы прокурорының орынбасары, Оңтүстік Қазақстан облысы прокурорының бірінші орынбасары болды.

2006 жылдан бастап Батыс өңірлік көлік прокуроры, кейін Ақтөбе облысының прокуроры болып тағайындалды.

Президенттің 2010 жылғы 28 шілдедегі өкімімен бас прокурордың орынбасары лауазымына тағайындалды.

2011-2017 жылдары Алматы прокуратурасын басқарды.

2017-2019 жылдары Солтүстік Қазақстан облысының прокуратурасын басқарды.

2019 жылғы наурызда Қазақстан Республикасы бас прокурорының бірінші орынбасары болып тағайындалды.

Президенттің 2020 жылғы 6 мамырдағы жарлығымен оған 2-сыныпты мемлекеттік әділет кеңесшісі сыныптық шені берілді.