Бейбітшілік саласындағы Нобель сыйлығы Украина, Беларусь және Ресейдегі құқық қорғаушыларға берілді

Бейбітшілік саласындағы 2022 жылғы Нобель сыйлығы белорус құқық қорғаушы Алес Беляцкийге, Ресейдің "Мемориал" құқық қорғау ұйымына және Украинаның "Азаматтық еркіндік орталығы" құқық қорғау ұйымына берілді, - деп хабарлайды Tengrinews.kz тілшісі.

Бұл туралы Швеция академиясының Нобель комитеті Twitter-де хабарлады.

Бейбітшілік сыйлығы Альфред Нобельдің өсиетіне сәйкес, "үлкен жетістікке жеткен немесе халықтарды біріктіруде және армиялар санын азайтуда, сондай-ақ бейбітшілік конгрестерін өткізуде және оларға назар аударуда басқаларға қарағанда көбірек қызмет еткен адамға" беріледі.

Биыл лауреат өзінің жеке бейнесі бар медаль, диплом және 10 миллион швед кроны көлемінде ақшалай сыйақы алады.

2022 жылы бейбітшілік сыйлығына 251 жеке тұлға мен 92 ұйым өтініш берген, жалпы саны 343 үміткер. Рекорд 2016 жылы 376 үміткер болған кезде тіркелген еді. Биылғы көрсеткіш екінші орында тұр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!