+7 (777) 001 44 99
Қазақша
Русский
English
11 қазан 2018 | 09:44
БҒМ өкілдері ата-аналар комитетінің жұмысын тоқтатуға қарсылық білдірді
Білім және ғылым министрлігінің өкілдері ата-аналар комитетінің жұмысын тоқтатуға қарсылық білдірді, - деп хабарлайды Tengrinews.kz тілшісі КТК телеарнасына сілтеме жасап.
ПОДЕЛИТЬСЯ
Білім және ғылым министрлігінің өкілдері ата-аналар комитетінің жұмысын тоқтатуға қарсылық білдірді, - деп хабарлайды Tengrinews.kz тілшісі КТК телеарнасына сілтеме жасап.
Осыған дейін Қазақстан мектептерінде ата-аналар комитетіне тыйым салынуы мүмкін екені айтылған еді.
"Көбіне ақшаны ата-аналар комитетіндегілер жинайды. Осы ретте жоба өкілдері Білім және ғылым министрлігіндегілерге ата-аналар комитетіне тыйым салу туралы ұсыныс жасады. Себебі ата-аналар комитетінің қызметі тұрмыстық жемқорлыққа себеп болып жатады", - деген еді осыған дейін Мемлекеттік қызмет істері және сыбайлас жемқорлыққа қарсы іс-қимыл агенттігінің Астана қаласы бойынша департаментінің басшысы Жазира Жылқышиева.
Телеарнадағылардың мәліметінше, бұл ұсынысты ата-аналардың өздері де қолдайды. Өйткені осы күні әрбір мектепте қамқоршылар кеңесі деген бар. Ата-аналар комитетінің бүкіл қызметін солар-ақ атқарып отыр жүр екен. Тіпті мектепке директор тағайындау үшін де кандидат алдымен қамқоршылар кеңесінің келісімін алу керек. Ал ата-аналар комитетінің бар артықшылығы ақша жинау ғана екен.
"Шынымен де ата-аналар комитетінің функциясы не? Сол мереке күндері ақша жинау немесе бірдеңе ұйымдастыру, балаларды бір жерге апару. Меніңше, ол комитеттің ешқандай қажеттілігі жоқ. Өйткені, қазір әрбір мектепте қамқоршылар кеңесі жұмыс істеп жатыр. Ал ол кеңес ата-аналардан құрылған. Асханасын да, бәрін қадағалайды", - дейді мектеп-лицейлерінің бірінің қамқоршылар кеңесінің төрайымы Әселім Әбілдинова.
ҚР БҒМ тәрбие жұмысы және қосымша білім басқармасының басшысы Назира Әбдірахманова өз кезегінде қандай да бір ақша жинауға тыйым салынғанын айтады.
"Қандай да бір ақша жинауға тыйым салынған. Білім туралы заңда солай жазылған. Мектептер қаржылай толық қамтылған. Ал ақша жинау, мүмкін ол ата-аналардың өз ниеті шығар", - дейді Әбдірахманова.
Дереккөз: КТК
Показать комментарии
Читайте также
